«Әл-Ғаффар» мешітінде 2025 жылға арналған жоспарлар талқыланып, маңызды мәселелер көтерілді. Қазақстан мұсылмандары діни басқармасы 2025 жылды «Ислам және отбасы құндылығы» жылы деп жариялаған болатын. Осыған орай, мешітте жылдық жоспар жасалып, атқарылатын жұмыстар нақтыланды.

«Әл-Ғаффар» мешітінің бас имамы Ермахан Оралбай мешіт қызметкерлерімен арнайы жиын өткізді. Басқосуда биылғы жылдың жоспары таныстырылып, мешіт тазалығын сақтау, қадағалау, өкілдіктен келген хаттарға уақытында жауап беру мәселелері талқыланды.

Сонымен қатар отбасы құндылықтарын насихаттау, жамағатпен жұмысты жандандыру бағытында атқарылатын іс-шаралар баяндалды.

Жиын соңында жылдың берекелі басталып, сәтті аяқталуы үшін дұға жасалып, бата берілді.

ҚМДБ - Қарағанды облысы бойынша баспасөз қызметі