Бұқар Жырау аудандық «Жыржыс қажы» мешітінің имамы Рүстем Мұратұлының ұйымдастыруымен  «Ислам және отбасы құндылығы» тақырыбында мешіт жамағатына арналған рухани отырыс болып өтті.

«Ислам және отбасы құндылығы» жылы аясында мешіт жамағатының құрметіне арнайы дастархан жайылып, мешіт имамы жамағатқа отбасылық өмірдің маңызы жайында насихат айтты.

Сонымен қатар отбасындағы бала тәрбиесі, ата-ананың қадірі, ер мен әйелдің өзіндік рөлін түсіндірді.

Берекелі басқосу соңында жамағаттың тарапынан туындаған сұрақтарға жауап берілді.

ҚМДБ Қарағанды облысы бойынша баспасөз қызметі