Бараат түнінде адамдар кешірім сұрап, дұға етіп, Алланың мейіріміне бөленуге ұмтылады. Осыған орай Шет ауданы, Ақадыр кентіндегі «Иса молла» мешітінде әйел-қыздар жамағатының ұстазы Алия Рахманқызы шәкірттерге арнайы уағыз-насихат жүргізді.

«Иса молла» мешітінде өткен дәрісте ұстаз Алия Рахманқызы Барат түнінің мәні мен маңыздылығы туралы кеңінен түсіндірді. Ол бұл түннің күнәлардан арылу, дұға жасау және Жаратқанға шынайы ниетпен жалбарыну уақыты екенін атап өтті.

Сондай-ақ, шәкірттерге осы қасиетті кеште истиғфар айту, нәпіл намаз оқу және ізгі амалдар жасау қажеттігін еске салды. Уағыз соңында шәкірттер Бараат түніне қатысты өз сұрақтарын қойып, ұстаздан пайдалы кеңестер алды.

 ҚМДБ - Қарағанды облысы бойынша баспасөз қызметі