Ауған соғысының ардагерлері Қарағанды қалалық «Әл-Машани» мешітіне жиналып, майданда шейіт болған және дүниеден өткен қаруластарына Құран бағыштады.

15 ақпан Кеңес әскерінің Ауғанстан жерінен шығарылған күні. Биыл ол соғыстың аяқталғанына 36 жыл толып отыр. Осы атаулы күнге орай ардагерлер майдандас достарын еске алып, «Әл-Машани» мешітінде олардың рухына арнап, Құран оқытты. Сонымен қатар еліміз бейбіт, тыныштықта өмір сүріп, өркендеп-дамысын деген тілекпен дұға жасады.

ҚМДБ Қарағанды облысы өкілдігінің баспасөз қызметі