Бұқар жырау ауданы, Көкпекті ауылдық мешітінің имамы Нұржан Оңғарұлы «Бала қажы» мешітіндегі шәкірттерге барып, әдеп туралы насихат айтты.

«Әдепті бала арлы бала, әдепсіз бала сорлы бала» тақырыбында өткен кездесуде Нұржан Оңғарұлы шәкірттерге әдептің маңыздылығын түсіндіріп, оның адам өміріндегі орны жайлы пікіралмасты. Әдептілік – имандылықтың белгісі екенін айта отырып, үлкенді құрметтеу, кішіге ізет көрсету секілді қасиеттерді насихаттады.

Шәкірттер де өз ойларын бөлісіп, сұрақтар қойып, әдептілік туралы көптеген мағлұмат алды. Кездесу соңында Нұржан Оңғарұлы жастарға ізгі тілегін білдіріп, білім мен әдепті қатар ұстауға шақырды.

ҚМДБ Қарағанды облысы бойынпша өкілдігінің баспасөз қызметі