ҚМДБ-ның бастамасы аясында Қарағанды қалалық  «Төлеутай ата» мешітінің имамы Рауан Төлеубекұлы  «Көшпелі уағыз керуені» бойынша «Мұсылманның мұсылман алдындағы ақысы» тақырыбында Қарқаралы ауданы, Бүркітті ауылында жұма уағызын жүргізді.

Имам өз сөзінде: «Асыл дініміз Ислам мұсылмандардың өзара туыс екенін айтып, бауырмалдықта бір дене іспеттес болуды бұйырып, бір-біріне дұға етіп жүруді насихат етеді.

Кейбір даналар: «Кімде-кім Алла үшін мұсылман бауырының алдында ақысын өтесе, Алла оған екі рет сауап жазады: өзіне түскен ақысын өтегені үшін және Алланың жаратылысына сол арқылы тигізген пайдасы үшін», – деп өсиет айтқан.

Алла Тағала сыйластығымыз бен бірлігімізді арттырып, қасиетті жұма күнгі дұға-тілектерімізді қабыл еткей!”,- деді.

Имам жұма намазынан кейін мешіт жамағатымен бірге ел амандығы мен тыныштығы үшін дұға жасады.     

ҚМДБ Қарағанды облысы өкілдігінің баспасөз қызметі