Дені сау адам – қоғамның тірегі. Салауатты өмір салтын ұстану – әрбір мұсылман үшін маңызды. Осы мақсатта Шахтинск қалалық "Нұр" мешітінің жамағаты бір мезгіл спортқа уақыт бөліп, үстел теннисінде бас қосты.

Бұл кездесу жамағат арасындағы бауырмалдықты нығайтып, денсаулыққа пайдалы уақыт өткізудің үлгісін көрсетті. Қатысушылар өзара ойнап, жақсы көңіл-күйге бөленді.

Осындай басқосулар жамағат бірлігін арттырып қана қоймай, дене белсенділігін сақтауға да септігін тигізеді. Салауатты өмір салтын ұстану – жақсы ғибадатқа да күш-қуат береді.

ҚМДБ Қарағанды облысы өкілдігінің баспасөз қызметі