Шахтинск қалалық «Нұр» мешітінде қасиетті Рамазан айын қарсы алу мақсатында дайындық жұмыстары басталды. Мешіт қызметкерлерінің ұйымдастыруымен ғимараттың ішінде толық тазалық жұмыстары жүргізіліп, құлшылық орнын жаңарту үшін әктеу, сырлау жұмыстары атқарылып жатыр.
Бұл игі іс-шара мешіт жамағаты үшін жайлы әрі таза орта қалыптастыру мақсатында жүзеге асырылып отыр. Алла үйін күтіп ұстау – әрбір мұсылманның міндеті, сондықтан мұндай дайындықтар мешіт қызметкерлерінің тұрақты бақылауында болады.
Рамазан айы – рухани тазару мен берекеге толы қасиетті уақыт. Сол себепті мешітті құлшылыққа толық дайындау жұмыстары да жиі атқарылуы тиіс деп есептейміз.
ҚМДБ Қарағанды облысы өкілдігінің баспасөз қызметі