Шахтинск қалалық «Нұр» мешітінің имамы Әбілхайыр Кәсенұлы «Мұсылманның сипаты» тақырыбында студенттермен кездесу өткізді.

Жиын барысында мұсылманның бойында болуы тиіс имандылық, шынайылық, көркем мінез, әділдік және жауапкершілік сияқты қасиеттер жайлы сөз қозғалды. Сондай-ақ, Пайғамбарымыздың (с.ғ.с.) өнегелі өмірінен мысалдар келтіріліп, исламдағы ізгі амалдардың маңызы түсіндірілді.

Мұндай кездесулер жастардың имани түсінігін нығайтып, олардың дұрыс өмір салтын ұстануына ықпал етеді. Кездесу ашық сұхбат форматында өтіп, студенттер көкейінде жүрген сұрақтарын қойып, діни және рухани бағытта жан-жақты ақпарат алды.

ҚМДБ Қарағанды облысы өкілдігінің баспасөз қызметі