Қарағанды қалалық «Төлеутай ата» мешітінің имамы Рауан Төлеубекұлы «Ізгі қоғам» бағыты аясында құрылған  «Аталар мектебі» мен «Әжелер мектебі» аясында Қарқаралы ауданы, Бүркітті ауылдық мешітінің қазыналы қарияларымен рухани отырыста бас қосты.

Іс-шара барысында «Дін мен дәстүр» бағыты  және «Ислам және отбасы құндылығы» тақырыбы аясында уағыз- насихат айтылды.

Сонымен қатар,  ақсақалдар мен ақ жаулықты әжелердің қоғамдағы мәртебесі жөнінде сөз қозғап,  аталар институтының орны айрықша екендігін тілге тиек етті.

Рухани отырыстың мақсаты қазақ отбасының қазынасы саналатын қариялардың өнегесі арқылы жас буынды өнеге мен ізгілікке тәрбиелеу.

Жиын барысында ауыл ақсақалдары бата беріп,  Құран оқылып, дұға жасалды.

ҚМДБ-ның Қарағанды өкілдігінің баспасөз қызметі