Бұқар Жырау аудандық «Жыржыс қажы» мешітінің имамы Рүстем Мұратұлы мешіт жамағатымен «Жат ағымның алдын-алу» атты  кездесу өткізді.

Кездесу барысында жастарға жат ағымның алдын алудың негізгі жолы пайдалы білім алу екенін атап өтті.

Сондай-ақ қазіргі таңдағы жас буын арасындағы татулықты нығайта түсу үшін дұрыс жол көрсету басты міндет екенін айтты.

Атап айтқанда, жастарға дін саласындағы өзекті мәселелер мен жаңа заңнаманың маңыздылығын түсіндіру, терроризм және діни экстремизм көріністерінің зардабын ескерту секілді маңызды мәселелерге тоқталды.

Сондай-ақ діни әдебиетті және діни мазмұндағы өзге де ақпараттық материалдарды қолданарда Қазақстан мұсылмандары діни басқармасы мен ҚР Дін істері министрлігінің сараптамасынан өткен еңбектерін ғана пайдалану қажет екенін түсіндірді.

Кездесу соңында жамағаттың көкейкесті сұрақтарына тұшымды, жан-жақты жауап берді.

ҚМДБ Қарағанды өкілдігінің баспасөз қызметі