Отбасы – адамның алғашқы тәрбие алатын ұясы. Ислам дінінде оның маңызы зор, ал ер мен әйелдің рөлі ерекше. Қарағанды қаласындағы «Бала қажы» мешітінің имамы Нуров Махмуд қажы әйел-қыздар жамағатын жинап, «Ислам және отбасы құндылығы» жылы аясында отбасы құндылықтары мен оның мән-маңызы туралы насихат жүргізді.

Махмуд қажы мешітте өткізген кездесуде отбасындағы әйел мен ер адамның рөлін, міндеттерін атап өтті. Исламда отбасы құндылықтары мен өзара сыйласу үлкен маңызға ие. Имам, әсіресе, ер мен әйелдің бір-біріне деген жауапкершілігі және адалдығы туралы кеңінен түсіндіріп, бақытты отбасының негізі – рухани құндылықтар мен түсіністік екенін атап өтті.

КМДБ – Қарағанды облысы өкілдігінің баспасөз қызметі