Қарағанды қалалық «Төлеутай ата» мешітінің ұйымдастыруымен «Ізгі қоғам» бағыты аясында қаладағы қарттар үйінде жүргізіліп жатқан дәрістер жалғасын тапты.

Мешіттің наиб имамы Дархан Түменбай қарттармен кезекті мәрте кездесу өткізді. Дәріс барысында қарияларға алда келе жатқан қасиетті рамазан айына дайындық, рамазанды дұрыс қарсы алу, бата беру және Құран аяттарын үйрену сынды тақырыптар бойынша дәріс жүргізілді.

Сонымен қатар арнайы кітапшалар үлестірілді.

ҚМДБ Қарағанды облысы өкілдігінің баспасөз қызметі