Теміртау қалалық орталық «Әлихан Бөкейхан» мешітінің имамы Ақниет Сәлімбайұлының бастамасымен қала ақсақалдары арасында «Ақ бата беру» сайысы өтті. Жарыс нәтижесінде жеңімпаздар облыстық байқауға жолдама алды.

Байқаудың қазылар алқасы қатысушылардың сөз саптау шеберлігіне, бата мазмұнының тереңдігіне, көркемдігіне және ұлттық нақышына мән беріп, үздіктерді анықтады. Сайыс нәтижесінде жеңімпаздар таңдалып, олар облыстық деңгейде өнер көрсетуі тиіс.

Бұл игі бастама жастарды ұлттық салт-дәстүрге баулу, бата беру мәдениетін дәріптеу әрі қалыптастыру және үлкендердің өмірлік тәжірибесін насихаттау мақсатында ұйымдастырылды.

ҚМДБ Қарағанды облысы өкілдігінің баспасөз қызметі