Қарағанды облысы, Саран қалалық мешітінде «Дін мен дәстүр құндылығы» тақырыбында маңызды кездесу өтті. Іс-шараны Саран қалалық мешітінің бас имамы Мұсабеков Нұржігіт Оразалыұлы ұйымдастырды. Кездесудің қадірлі қонағы ретінде Қарағанды облысы бойынша «Дін мен дәстүр» бағытының жауапты өкілі Бақдаулет Қыдырбайұлы арнайы шақырылды.

Жиынға жергілікті жамағат, зиялы қауым өкілдері және жастар қатысты. Кездесу барысында ұлттық құндылықтар мен діни дәстүрдің сабақтастығы, олардың қоғамдағы маңызы, сонымен қатар дінді дұрыс түсіну және салт-дәстүрлерді сақтау мәселелері талқыланды.

Бақдәулет Қыдырбайұлы өз сөзінде - халқымыздың ғасырлар бойы қалыптасқан ұлттық мәдениеті мен діннің үндестігі туралы баяндап, жастардың рухани тәрбиесіне ерекше мән беру керектігін атап өтті. Ол қазақ халқының ата-бабасынан мұра болып қалған ізгі дәстүрлердің ислам дінімен астасып жатқанын, бұл құндылықтарды сақтау – ұрпақтың міндеті екенін атап өтті.

ҚМДБ Қарағанды облысы өкілдігінің баспасөз қызметі