Қарағанды қалалық «Бала қажы» мешітінде ақшам намазынан кейін дін қызметкерлері дастархан басында жамағатпен бас қосты. Мешітте әр сәрсенбі, жұма күндері алуан тақырыпта осындай отырыстар ұйымдастырылады.

Бүгінгі жиынның тақырыбы «Дін және дәстүр». Осы бағытта имам, ұстаздар сүннет болатын спорт түрлерінің қазақ дәстүрімен сабақтастығы туралы жас шәкірттерге айтып берді. Дәстүрімізге айналған садақ ату пайғамбарымыздың (с.ғ.с.) сүннеті.

Қазіргі жастар осы спорт түріне көңіл бөліп келе жатқаны қуантады. Бұл бетбұрысты дінімізбен ұштастырып, дұрыс бағытта дамыту үшін ұстаздардың осындай бас қосуларда айтатын уағыз-насихаты маңызды. Дінімізден таралып дәстүрімізге айналған спорт және тағы басқа салтымыз жалғасын таба берсін.

ҚМДБ Қарағанды облысы өкілдігінің баспасөз қызметі