Қарағанды облыстық «Өнет баба» мешітінде құптан намазынан кейін «Ислам және отбасы құндылығы» тақырыбында бейсенбілік уағыз дастарханы ұйымдастырылды. Бұл іс-шараның мақсаты – жамағатқа Исламдағы отбасы құндылықтарының маңызын түсіндіру, отбасындағы өзара құрмет пен сүйіспеншіліктің рөлін насихаттау.

Уағызды РАНТ мүшесі, Орал медресе-колледжінің директоры ұстаз Талғат Искалиев жүргізді. Ол Ислам дініндегі отбасының орны мен маңызына тоқталып, оның беріктігін сақтаудың негізгі қағидаларын түсіндірді. Жиында ерлі-зайыптылар арасындағы сыйластық, ата-ананың балаларына беретін тәрбиесі, жанұядағы жауапкершілік пен сабырлық жайлы тағылымды насихат айтылды.

Сондай-ақ ұстаз сахабалардың отбасыдағы қарым-қатынасын мысалға келтіріп, олардың әйелдеріне, балаларына деген мейірімі мен құрметі қазіргі мұсылмандарға үлгі болатынын айтты. Әсіресе, Пайғамбарымыздың (с.ғ.с.) өз отбасына деген сүйіспеншілігі мен қамқорлығы үлгі ретінде баяндалды.

ҚМДБ Қарағанды облысы өкілдігінің баспасөз қызметі