Саран қалалық мешітінің ұйымдастыруымен апта сайын жамағатаралық шағын футболдан ойын өткізіліп келеді. Спорттық ойынға Саран және Ақтас кенті мешіттерінің жамағаты қатысты.

Игі бастама мешіт жамағатының ауызбіршілігін нығайтып, бой сергітіп, саламатты өмір салтын насихаттауға бағытталған. Бұл сайысқа Саран және Ақтас кенті мешіттерінің жамағаты қатысып, тартысты ойын өрнегін көрсетті.

Іс-шара барысында жамағат тек спорттық шеберліктерін шыңдап қана қоймай, өзара сыйластық пен ынтымақты арттыруға септігін тигізді.

ҚМДБ Қарағанды облысы өкілдігінің баспасөз қызметі