Ұлы Отан соғысы жылдары, яғни 1944 жылы 23  - ақпанда шешен-ингуш ұлттары қазақ жеріне депортацияланған болатын. Атаулы күнге орай ингуш-шешен ұлтының өкілдері  Абай аудандық мешітінің асханасында мұқтаж жандарға ас берді.

Тағдырдың тәлкегіне түскен ұлттарға қазақ елі кең құшағын жайып, бауырмалдық танытқан еді. Міне содан бері 81 жыл өтті. Қазір ингуш-шешен ұлтының өкілдері Қазақстанда бейбіт ғұмыр кешіп жатыр.

Осы тарихи күнде бауырмалдық танытқан қазақ жұртына алғыс ретінде Абай аудандық орталық мешітінде қайырымдылық іс-шара өтті.

Сонымен қатар әлеуметтік көмекке мұқтаж он отбасыға азық-түлік үлестірілді.

Аудандық мешіттің имамы Асхан Қанайұлы осынау игі істің мақсатын түсіндіріп, оны жүзеге асырған жандарға алғысын білдірді.

ҚМДБ-ның Қарағанды облысы бойынша баспасөз қызметі