Қарағанды қалалық «Төлеутай ата»  мешітінде  «Рамазан айына дайындық» тақырыбында мешіт жамағатымен жиын болып өтті.

Мешіт имамы Рауан Төлеубекұлының ұйымдастыруымен өткен рухани кеште алда келе жатқан қасиетті Рамазан айына дайындық жұмыстары пысықталды.

Сонымен қатар, берекелі айда тарауық намазын жүргізетін қариларды мешіт жамағатына таныстырып өтті. Кеш барысында берекелі дастархан жайылып, жамағатқа ас берілді.

Рухани отырыста бас қосқан қалалық мешіт жамағаты өз тарапынан ұсыныстарын айтып, Рамазан айына қатысты бірқатар іс-шараларды жүзеге асыруды жоспарға енгізді.

ҚМДБ-ның Қарағанды облысы бойынша баспасөз қызметі