Center Image
IHSAN.KZ
Қарағанды облысы өкілдігінің Рамазанға дайындық жиыны өтті
Қарағанды облысы өкілдігінің Рамазанға дайындық жиыны өтті

ҚМДБ-ның Төрағасы, Бас мүфти Наурызбай қажы Тағанұлының бастамасымен Қарағанды облысының бас имамы Естай Айтуғанұлының ұйымдастыруымен қасиетті Рамазан айына қатысты өңір имамдарының кезекті жиыны болып өтті.

 

Берекелі айға дайындық жұмыстарын пысықтау мақсатында өткен мәжіліске облысқа қарасты қала, аудан имамдары және бөлім басшылары қатысты. Жиын барысында облыстың бас имамы дін қызметкерлеріне алдымен ҚМДБ-ның Төрағасы, Бас мүфти Наурызбай қажы Тағанұлының үндеуін жеткізіп, діни басқарма тарапынан жүктелген біршама тапсырмаларды таныстырды.

 

Соныен қатар «Зекет және қайырымыдылық» қоры, «Діни оқу-ағарту», «Дін мен дәстүр», «Шариғат және пәтуә» бөлімдерінің жауапты мамандары биылғы жоспарларымен таныстырды. Рамазан айын жоғары деңгейде өткізу, аймағымыздағы мұсылман бауырларымызға оның маңызы мен мәнін түсіндіру, ораза кезінде ауызашардың талаптарға сай болуы және жағдайы төмен азаматтарға ауызашар ұйымдастыру қажеттігі айтылды.

 

Сонымен қатар Тарауих намазында қарилар Құран оқиды. Мешіттерде Рамазанға қатысты уағыз-насихат айтылып, жамағатқа діни түсіндіру жұмыстары жүргізіледі.

Ораза ұстауға ниеттілерге muftiyat.kz, fatua.kz, ihsan.kz сайттарынан ақпарат алу ұсынылды.

 

Бас имам биыл Рамазан айы 1 наурызда тарауих намазымен басталатынын, 2 наурызда оразаның алғашқы күні өтетінін, ал 26-27 наурыз Қадір түні болып белгіленгенін жеткізді. Сондай-ақ, пітір садақа көлемі әр адамға шаққанда 655 теңге болып бекітілгенін аталып өтті.

 

Жиын барысында мешіттердің ішкі-сыртқы тазалық жұмыстары мен күзет бөлімінің қызметін күшейту мәселесі де баса назарға алынды.


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz