Қасиетті Рамазан айының жақындауына байланысты Абай ауданы, Қарабас кентіндегі мешітте жамағатпен арнайы кездесу ұйымдастырылды. Бұл жиында Рамазанның маңызы, оразаның шарттары мен артықшылықтары жайлы насихат айтылып, жамағатқа рухани дайындықтың мәні түсіндірілді.

Имамдар жиналған қауымға Рамазан айын лайықты өткізудің жолдарын баяндап, ораза ұстаудың сауабы, тарауық намазының қадірі мен ауызашар берудің игілігі жайында уағыз айтты. Сондай-ақ, қасиетті айды құлшылықпен, ізгі амалдармен өткізуге шақырып, дайындықтың діни әрі рухани маңызына ерекше тоқталды.

Жамағат Рамазанға дайындықтың мәнін ұғынып, қажетті сұрақтар қойып, өзара пікіралмасты.

ҚМДБ Қарағанды облысы өкілдігінің баспасөз қызметі