Мұсылманның ең қасиетті әрі қадірлі «Рамазан» айының қарсаңында Қарағанды қаласының бірнеше мешітінің маңына арнайы баннерлер ілінді.
Бұл игі іс халыққа қасиетті айдың мәні мен маңызын жеткізу, ауызбіршілік пен мейірімділікті арттыру, жамағатты сауапты амалдарға ынталандыру мақсатында жүзеге асырылды.
Атап айтқанда, баннерлер:
«Әнет баба» мешіті – Университетская көшесі,
«Әл-Машани» мешіті – Республика даңғылы көшесі,
«Бала Қажы» мешіті – К.Маркс көшесінде орналастырылды.
Бұл баннерлер «Рамазан» айының рухани құндылығын насихаттап қана қоймай, қала тұрғындарын ауызбіршілікке, сабырлыққа және қайырымдылық жасауға шақырады. «Қасиетті ай» – жүректер тазартып, жақсылыққа бастайтын ерекше кезең. Сондықтан әрбір мұсылман «Рамазанның» берекетін сезініп, сауапты істерге асыққаны абзал.
Алла Тағала баршамыздың ниетімізді қабыл етіп, «Рамазан» айында мол сауапқа кенелуді нәсіп етсін!