Бұқар жырау ауданы, Көкпекті ауылдық мешітінің имамы Нұржан Оңғарұлының ұйымдастыруымен қасиетті Рамазан айының алдында ақсақалдармен жиналыс өтті.

Жиын барысында Рамазан айының маңыздылығы, оның рухани және тәрбиелік мәні жайлы әңгіме қозғалды. Ақсақалдар жастарға үлгі болып, қасиетті айда ізгі амалдарды арттыру, ауызбіршілік пен қайырымдылыққа баса мән беру қажеттігін атап өтті.

Сонымен қатар мешіттің Рамазан айына дайындығы талқыланып, тарауих намазы, ауызашар ұйымдастыру және жамағатқа қолайлы жағдай жасау мәселелері қарастырылды.

Жиын соңында ақсақалдар Рамазан айын абыроймен, сәтті әрі аман-есен өткізуге нәсіп етсін деп бата берді.

ҚМДБ-ның Қарағанды облысы бойынша баспасөз қызметі