Қарағанды қалалық «Бұқар Жырау» мешітінде жамағатқа дастархан жайылды.

Мешіт имамы Орманбет Болатұлының бастамасымен бейсенбілік уағыз өтті. Шағбан айында ораза ұстағандар үшін ауызашар ұйымдастырылып, жамағаттың басын ақ дастархан басында қосудағы басты мақсат – жамағаттың бірлігін арттыру.

Биыл мүфтият бекіткен «Ислам және отбасы құндылығы» жылы аясында отбасын бақытты да баянды сақтау жолдары, жанұялық береке жөнінде мешіт имамдары қазақ және орыс тілдерінде уағыз айтты. Сондай-ақ, жамағаттың бірлігі мен жанұяның бақытына қатысты қойылған сұрақтарға жауап берілді.

ҚМДБ Қарағанды облысы өкілдігінің баспасөз қызметі