Бұқар жырау ауданы, Көкпекті ауылдық мешітіне қасиетті Рамазан айына орай қари шақырылды. Жергілікті жамағатқа Құран оқып, насихат айту үшін арнайы келген қари мешітте қызмет етеді..

Көкпекті ауылдық мешітінің имамы Нұржан Оңғарұлының ұйымдастыруымен келген қари тарауық намазында Құран хатым түсіріп, жамағатқа насихат жүргізеді. Құранды жатқа білетін қаридың келуі – жамағат үшін үлкен қуаныш. Жергілікті тұрғындар қасиетті айда қасиетті Кітапты тыңдап, иманын нығайтуға мүмкіндік алады.

Мешіт имамы қасиетті Рамазан айында осындай игі іс-шаралардың жалғасын табатынын атап өтіп, жамағатты құлшылыққа ерекше мән беруге шақырды.

ҚМДБ Қарағанды облысы өкілдігінің баспасөз қызметі.