«Төлеутай ата» мешітінде биылғы Рамазан айының тарауық намазы оқылды.

Қалалық мешіт имамы Рауан Төлеубекұлы жамағатты қасиетті айдың келуімен құттықтап, Алла Тағаладан елдің амандығы мен берекесін тіледі. Айлардың сұлтаны болған Рамазанның қадір-қасиетіне тоқталып, мүбәрак мерзімді ізгі амалдармен көркемдеуге шақырды.

Сондай-ақ «Төлеутай ата» мешітінде Құран хатым етіп, тарауық намазын өткізетін қариларды жамағатқа таныстырды.

Айта кетейік, «Төлеутай ата» мешітінде бүгіннен бастап ауызашарлар беріле бастайды және тарауық намазы жалғасады.

ҚМДБ Қарағанды облысы өкілдігінің баспасөз қызметі