Қасиетті Рамазан айында Қарағанды облыстық «Әнет баба» мешітінің «Уақып» қоры мен «Зекет және қайырымдылық» қоры бірлесіп, көше тазалаушы жұмыскерлерге құрмет көрсетіп, арнайы дастархан жайды. Қайырымдылық істі  «Зекет және қайырымдылық» қорына жауапты Асылхан Рахымжанұлы мен «Уақып» қорына жауапты Бағдаулет Қыдырбайұлы ұйымдастырды.

Іс-шара барысында Рамазанның қасиеті жайлы насихат айтылып, кітапшалар таратылды. Сондай-ақ ізгі тіеткре тілеп, дұға бағышталды. Асылхан Рахымжанұлы мен Бағдаулет Қыдырбайұлы қатысушыларға Рамазан айының маңызы мен қайырымдылықтың қоғамдағы орны туралы ой бөлісіп, іс-шараны жоғары деңгейде өткізді.

Қасиетті айда жасалған әрбір жақсылықтың сауабы еселенеді. Баршаңызды мейірімділік пен қайырымдылық істерді атқаруға шақырамыз.

ҚМДБ Қарағанды облысы өкілдігінің баспасөз қызметі