Center Image
IHSAN.KZ
«Хазрет Али» мешітінде тарауық оқыла бастады
«Хазрет Али» мешітінде тарауық оқыла бастады

Исі мұсылман қауымы сағына күткен қасиетті Рамазан айы да басталды.

Сауабы сансыз мүбәрак айды мейлінше пайдалы өткізуді жоспарлаған жамағаттың осындай ыстық ықыласы мен ынтасы Қарағанды қалалық «Хазрет Али» мешітінде айрықша байқалып, биылғы Рамазан айының  тарауық намазы оқылды.

 

Алла үйіне жиналған дүйім жұртты  Қарағанды қалалық «Хазрет Али» мешітінің имамы Ербол Мұқанұлы қасиетті айдың келуімен құттықтап, Алла Тағаладан елдің амандығы мен берекесін тіледі.

Айлардың сұлтаны болған Рамазанның қадір-қасиетіне тоқталып, мүбәрак мерзімді ізгі амалдармен көркемдеуге шақырды.

Сондай-ақ,  имам қасиетті Рамазан айы бойы мешітте Құран-Кәрімді хатым етіп, тарауих намаздарында имамдыққа шығатын қариды таныстырып өтті.

Имам тарауих намазынан соң жамағатпен бірге Рамазанға аман-есен жеткізген Алла Тағалаға шүкіршілік айтып, ел тыныштығы мен бірлігі үшін, баянды болашағымыз мен тұрақтылығымыз үшін дұға жасады.

 

ҚМДБ Қарағанды облысы өкілдігінің баспасөзі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz