Қасиетті Рамазан айы сауаптар еселеніп, жақсылықтың кеңінен құлаш жаятын берекелі уақыты.

Қарағанды қалалық «Төлеутай ата» мешітінде берекелі айдың басталуымен түрлі шарапатты іс-шаралар жалғасын тауып жатыр.

Қасиетті жұма күні мешіт имамы Рауан Төлеубекұлының ұйымдастыруымен «Рамазан сыйы» атты қайырымдылық жәрмеңкесі өтті.

Жәрмеңкеде «Зәм-зәм» сулары, хош иісті иіс майлар, діни кітаптар, жайнамаз бен тәспілер және т.б діни заттар сатылды.

Игі іс-шара мешіт жанашырлары мен белсенді еріктілердің қолдауымен жүзеге асты.

Айта кетейік, жәрмеңкеден түскен қаражат қайырымдылық іс-шараларына жұмсалмақ.

ҚМДБ Қарағанды облысы өкілдігінің баспасөз қызметі