Асыл дініміз Исламда аналардың алар орны ерекше. Себебі, ана бір қолымен әлемді тербетсе, бір қолымен бесігін тербеткен асыл тұлға.

Осы орайда, халықаралық аналар күніне орай Қарағанды қалалық «Төлеутай ата» мешітінің имамы Рауан Төлеубекұлы қаладағы қарттар үйіндегі ақ жаулықты аналарды арнайы құттықтап, гүл шоқтарын тарту етті.

Аналарға өзінің ыстық лебізін білдіріп, қоғамдағы аналардың мәртебесін айта келе, шексіз алғысын білдірді.

Игі іс-шараны жүзеге асырып, қарт аналардың жүзіне қуаныш сыйлаған мешіт дін қызметкерлеріне мекеме қызметкерлері ризашылықтарын жеткізді.

Аналардың әр күнін мереке қылса да перзент үшін артықтық қылмас.

Алла Тағала аналарымызға аналық бақытты сезінуді, қашан да перзенттерінің ықыласына бөленіп жүруді нәсіп етсін.

Аналар күні құтты болсын!

ҚМДБ Қарағанды облысы өкілдігінің баспасөз қызметі