Қарағанды қаласындағы «Әл Машани» мешітінде шәкірттерге «Әйелдердің білім алуы» тақырыбында уағыз-насихат айтылды. Іс-шара мешіт ұстазы Бақытгүл Айтқалиқызының жетекшілігімен өтті.

Ұстаз Исламдағы білімнің маңызына тоқталып, әйел адамдардың рухани және зайырлы білім алуының қажеттілігі жайында айтты. Ислам дінінде білім алу ер мен әйелге бірдей парыз екені атап өтілді. Білімді әйел – тәрбиелі ұрпақтың және берекелі отбасының негізі екені жеткізілді.

Сонымен қатар, Пайғамбарымыз Мұхаммедтің (с.ғ.с.) хадистері мен Құран аяттарынан мысалдар келтіріліп, әйелдердің қоғамдағы рөлі түсіндірілді. Кездесу барысында қатысушылар сұрақтарын қойып, өз ойларын бөлісті.

ҚМДБ Қарағанды облысы өкілдігінің баспасөз қызметі