Қарағанды қаласындағы «Бала қажы» мешітінде шәкірттерге «Рамазандағы уақыттың маңыздылығы» тақырыбында уағыз-насихат айтылды. Іс-шара мешіт ұстазы Бақытгүл Айтқалиқызының жетекшілігімен өтті.

Ұстаз қасиетті Рамазан айында уақытты тиімді пайдалану, құлшылыққа мән беру және рухани дамуға баса назар аудару жайында баяндады. Сондай-ақ, әрбір сәтті пайдалы өткізу, дұға, Құран оқу және садақа берудің артықшылықтары түсіндірілді.

Пайғамбарымыз Мұхаммедтің (с.ғ.с.) хадистері мен Құран аяттарынан мысалдар келтіріліп, Рамазан айында уақыттың қадірін білу қажеттігі айтылды. Кездесу барысында шәкірттер сұрақтарын қойып, өз ойларын бөлісті.

ҚМДБ Қарағанды облысы өкілдігінің баспасөз қызметі