Қарағанды қаласындағы «Әл-Машани» мешітінде шәкірттер фиқх дәрісі бойынша ораза бабын толық меңгеріп, білімдерін бекітті. Іс-шара мешіт ұстазы Бақытгүл Айтқалиқызының ұйымдастыруымен өтті.

Шәкірттер ораза бабынан алған білімдерін тексеру мақсатында сұрақ-жауап түрінде емтихан тапсырды. Емтихан барысында олар оразаның үкімдері, шарттары мен ерекшеліктері жөнінде сұрақтарға жауап беріп, өз білімдерін көрсетті.

Ұстаз шәкірттердің дайындық деңгейін жоғары бағалап, олардың діни сауаттылығын арттыруға деген ынтасын ерекше атап өтті. 

ҚМДБ Қарағанды облысы өкілдігінің баспасөз қызметі