Қасиетті Рамазан айының қарсаңында Қарағанды облысы, Шахтинск қалалық «Нұр» мешітінде «Құран және тәжуид» курсы жалғасып жатыр. Бұл игі бастама мешіттің имамы Мәулен Әбілхайыр Кәсенұлының қолдауымен жүргізілді.

Қазіргі таңда курсқа 25-30 шақты шәкірт қатысып, Құран оқудың дұрыс ережелерін меңгеріп қалды. Олардың арасында жастар да, ересектер де бар. Курстың негізгі мақсаты – жамағатқа Құранды қатесіз әрі көркем түрде оқуды үйрету.

Имам Мәулен Әбілхайыр Кәсенұлының айтуынша, Құран оқудың сауабын арттыру үшін оны тәжуидпен оқу маңызды. «Бұл курс – қасиетті кітапты дұрыс оқып, мағынасын түсінуге жол ашады. Құран әріптерін дұрыс шығарып, тәжуид ережелеріне сай оқу – әрбір мұсылман үшін маңызды», – дейді ол.

Шәкірттердің айтуынша, бұл сабақтар оларға үлкен көмек берген. Курс соңында қатысушыларға сертификат табысталып, үздік шәкірттер марапатталмақ.

Алла барша мұсылмандарға Құран үйренуді нәсіп еткей!

ҚМДБ Қарағанды облысы өкілдігінің баспасөз қызметі