Қасиетті Рамазан айының енуіне орай, Шахтинск қалалық «Нұр» мешітінде «30 күнге – 30 уағыз» жобасы жүзеге асырылып жатыр. Бұл жоба аясында тарауих намаздары алдында күн сайын түрлі тақырыптарда уағыз-насихат жүргізіледі.

Жобаның мақсаты:

✅ Жамағаттың діни білімін арттыру

✅ Рамазан айының қадір-қасиетін түсіндіру

✅ Құлшылықтың маңыздылығын ұғындыру

✅ Күнделікті өмірде мұсылманға қажет болған тақырыптарды қамту

Мешіт қызметкерлері әр күнге арнайы бекітілген тақырыптар бойынша уағыз айтып, жамағаттың сұрақтарына жауап беріп жатыр. Уағыздарда оразаның маңызы, намаздың құндылығы, Құран оқудың артықшылығы, садақаның пайдасы, отбасылық құндылықтар және мұсылманның көркем мінезі секілді маңызды тақырыптар қозғалады.

Имам Мәулен Әбілхайыр Кәсенұлы бұл жоба Рамазан айында жамағатқа рухани азық беріп, құлшылыққа деген сүйіспеншілікті арттыруға септігін тигізетінін атап өтті.

Барша жамағатты қасиетті айда мешітке келіп, тарауих намазына қатысып, уағыз тыңдап, рухани кемелденуге шақырамыз. Алла барша ораза ұстаған пенделердің құлшылығын қабыл етсін!

ҚМДБ Қарағанды облысы өкілдігінің баспасөз қызметі