Рамазан айында «Әл-Ғаффар» мешітінің имамы Оралбай Ермаханның ұйымдастыруымен жергілікті зиялы қауым мен ақсақалдарға ауызашар берілді.

Іс-шараға Қарағанды облысы өкілдігі «Дін мен дәстүр» бағытының жауапты маманы Бақдәулет Қыдырбайұлы да қатысып, өз ойын бөлісті.

Жиналған қауым дастархан басында ғибратты әңгімелер айтты. Сондай-ақ еліміздің тұрақтылықты сақтап, өркендеп, дініміздің дамуы үшін дұға тілеп, игі істі ұйымдастырушы мешіт ұжымына бата берді.

Қасиетті Рамазан айында осындай ауызашар дастархандары мұсылмандар арасындағы бауырмалдық пен сыйластықты арттыра түседі.

ҚМДБ Қарағанды облысы өкілдігінің баспасөз қызметі