Рамазан айында Қарабас ауылдық мешітінің имамы Шарифулла Шадиевтің ұйымдастыруымен мешіт жамағатына ауызашар берілді.

Дастарқан басында жиналған жамағат Рамазан айының қадір-қасиеті туралы сұхбат құрып, ел мен діннің өркендеуі үшін дұға тіледі. Сондай-ақ ауызашар барысында бауырмалдық пен ізгілікке үндейтін насихаттар айтылды.

Қасиетті айда өткізілген бұл іс-шара мешіт жамағатының бірлігін нығайтып, рухани байланысты арттыра түсті.

ҚМДБ Қарағанды облысы өкілдігінің баспасөз қызметі