Center Image
IHSAN.KZ
Теміртауда «Рамазан себеттері» таратылды
Теміртауда «Рамазан себеттері» таратылды

Теміртау қаласы, ерекше бір игі бастаманың куәсі болды. Теміртау қаласының орталық «Әлихан Бөкейхан» мешітінің имамы Ақниет Сәлімбайұлының бастамасымен, «Жұмысшы мамандықтар» жылына орай, қаладағы еңбек адамдарына, әсіресе көше мен аула тазалаушыларға «Рамазан себеттері» таратылды.

 

Бұл іс-шара ең алдымен, қоғамда еңбегі еленбей, бірақ өз жұмысына адал, қоғам үшін маңызды қызмет атқарып жүрген адамдарға құрмет көрсету мақсатын көздеді.

Ақниет Сәлімбайұлы имам осы игі іс-шараның маңызы туралы сол азаматтарға айта келіп, Исламдағы еңбектің қадір-қасиетін тілге тиек етті. Ол барлық еңбек адамдарының еңбекқорлығы мен адал қызметін бағалаудың маңыздылығын, олардың қоғамның дамуына қосқан үлесінің ұшан-теңіз екенін атап өтті. «Әрбір еңбек адамының еңбегі — ол қоғамның берекесі мен тұрақтылығының кепілі. Осы адамдардың еңбегі ешқашан еленбей қалмауы керек», — деді имам.

Қасиетті Рамазан айында ұйымдастырылған бастама аясынада, көше тазалаушылар мен аула жұмысшыларын, сондай-ақ қаладағы басқа да еңбек адамдарын сыйлап, оларға арнайы «Рамазан себеттері» табысталды. Бұл іс-шараның мақсаты — тек оларға физикалық азық емес, рухани күш те беру еді. Себеттердің ішінде ауыз ашуға қажетті тағамдардан бөлек, олардың еңбегін бағалайтын ізгі ниет пен құрмет көрсетілді.

Ақниет Сәлімбайұлы имамның жетекшілігімен жүргізілген бұл қайырымдылық акциясы, қала тұрғындарының өзара сыйластығын нығайтып, бір-біріне қолдау көрсету, мейірімділік пен түсіністік арқылы қоғамдағы әлеуетті нығайтуға шақырды. Бұл күннің маңызы зор болды, себебі ол тек жұмысшы мамандық иелеріне құрмет көрсетумен ғана шектелмей, барлық мұсылмандарды бір-біріне қамқор болуға, қоғамдағы әрбір адамды бағалауға үндеді.

Ауызашар себеттері, әдеттегіден тыс, қарапайым еңбек адамдарының жүрегіне ерекше жылы сезім ұялатты. Әрбір себет — тек тамақпен толып қоймай, қоғамда өз орнын тапқан, бірақ көп жағдайда ұмыт қалатын еңбек адамдарына көрсетілген шынайы құрметтің белгісі болды.

 

ҚМДБ Қарағанды өкілдігінің баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz