Пайғамбарымыз (с.ғ.с) айтады: «Рамазан –бұл сабыр айы. Сабырдың сыйы болса-жәннәт». Кімде-кім бұл айда ораза ұстаған бір адамға ауыз аштырса, бұл амалы күнәләрінің кешірілуіне себеп болып, ораза ұстаушының сауабындай сауапқа ие болады-деген. 

Нұра ауданының басшылары осы хадиске амал көрсетіп Оразаның алғашқы күні, яғни 5 наурыз күні мешіт асханасынан ауыз ашар ұйымдастырды.

Ауызашарда аудан имамы Ерлан Серікұлы жиналған жамағатқа оразаның қасиеті, ауыз ашардың сауабы жайлы уағыз айтты. 

Мешіт жамағаты осындай игі іске мұрындық болып отырған аудан басшыларына алғысын айтып, сауабы мол іс-шараның алдағы уақытта да өз жалғасын табуына тілектестік білдіріп, ақ батасын берді.

ҚМДБ Қарағанды облысы өкілдігінің баспасөз қызметі