Бұқар жырау ауданы, Үштөбе ауылындағы «Қажыбай қажы» мешітінде Нығыман Жандос Әшімұлының ұйымдастыруымен аталар мен әжелерге арналып ауызашар дастарқаны жайылды.

Рухани кеш барысында Жандос Әшімұлы жамағатқа уағыз-насихат айтып, Рамазан айының қадір-қасиеті жайында баяндады. Аузы дуалы ақсақалдар мен ақ жаулықты аналар берекелі дастарқан жайған ұйымдастырушыларға ризашылықтарын білдірді.

Дастархан басында Құран оқылып, еліміздің амандығы мен дамуына және дініміздің өркендеуі үшін дұға оқып, ақсақалдар бата берді.

ҚМДБ Қарағанды облысы өкілдігінің баспасөз қызметі