«Алла Тағала әсем, сондықтан әсемдікті жақсы көреді» (Муслим)

Мешіт ұстазы Гүлнұр Қаныбекқызының ұйымдастыруымен «Рамазан -  нұр шашқан ай» атты қыз балаларға бейнелеу өнерінен шеберлік сағаты өткізілді.

Бейнелеу өнерін ұйымдастырудағы мақсат жастарға  Алланың дінін тек діни дәрістерді берумен шектелмей, жан - жақты көркем түрде насихаттау. Сурет салу арқылы балалар сабырлыққа, бастаған ісін соңына дейін аяқтауға және қателіктен қорықпауға үйренеді. 

Ислам әлемі адамзатқа беріп отырған мәдени құндылықтардың арасында осы бейнелеу өнерін ерекше атап өтуге болады. Дініміз тірі жаратылысты салуға тыйым салғандықтан, мұсылмандардың көркем өнерге деген құштарлығы жансыз  бейнелеу өнерімен шұғылдану арқылы шешім тапты.

Бұл өз кезегінде діни талаптарға сай болумен қатар, адам бойындағы сұлулыққа, әсемдікке деген әуестік пен құштарлықты да оята алды.

ҚМДБ Қарағанды облысы өкілдігінің баспасөз қызметі