Қасиетті Рамазан айының құрметіне Қарағанды облысы, Шахтинск қалалық «Нұр» мешітінің имамы Мәулен Әбілхайыр Кәсенұлының ұйымдастыруымен қайырымдылық істері ұйымдастырылды. Іс-шара аясында мүмкіндігі шектеулі жандар мен әлеуметтік жағынан аз қамтылған 50 отбасыға азық-түлік қоржыны үлестірілді.

Бұл игі іске мешіт ұжымы мен жамағат белсенді түрде атсалысып, сауапты амалды жүзеге асыруға өз үлестерін қосты. Қайырымдылық іс-шарасы мұқтаж жандарға көмек көрсетіп қана қоймай, Рамазан айының шапағатын сезіндіруді, бауырмалдық пен мейірімділікті арттыруды көздеді.

Мешіт имамы Мәулен Әбілхайыр Кәсенұлы жиналған жамағатқа алғысын білдіріп, Рамазан – мейірім мен береке айы екенін, осындай игі істердің жалғасын табуы маңызды екенін атап өтті.

«Жұмыла көтерген жүк жеңіл» демекші, жамағаттың бірігіп, мұқтаж жандарға көмек көрсетуі – қоғамдағы ізгіліктің айқын көрінісі. Алдағы уақытта да Шахтинск қалалық «Нұр» мешіті қайырымдылық жұмыстарын жалғастырып, халыққа рухани әрі әлеуметтік қолдау көрсетуді жоспарлап отыр.

Алла Тағала сауапты істерді қабыл етіп, мұқтаж жандардың қажетін өтеуге себепші болған барлық азаматтарға берекесін нәсіп етсін!

ҚМДБ Қарағанды облысы өкілдігінің баспасөз қызметі