Шахтинск қалалық «Нұр» мешітінде Мәдениет үйі жанындағы «Парасат» орталығының атынан ауызашар берілді.

Қасиетті Рамазан айының құрметіне орай Қарағанды облысы, Шахтинск қалалық «Нұр» мешітінде Мәдениет үйі жанындағы «Парасат» орталығының атынан ауызашар ұйымдастырылды. Берекелі дастархан басына Мәдениет үйінің қызметкерлері мен мешіт жамағаты жиналып, ынтымақ пен бірліктің үлгісін көрсетті.

Кеш барысында мешіттің  имамы Мәулен Әбілхайыр Кәсенұлы «Ауызашар берудің сауабы» және «Ізгі істе жарысу» тақырыптарында уағыз-насихат айтты. Ол Рамазан айында жасалған әрбір қайырымды істің еселеніп жазылатынын және мұсылмандардың жақсылыққа жарысуы маңызды екенін атап өтті.

Бұл игі с-шара ауызбіршілік пен бауырмалдықтың жарқын көрінісі болды. Алла Тағала осындай сауапты істерді қабыл етсін!

ҚМДБ Қарағанды облысы өкілдігінің баспасөз қызметі