Адамгершілік пен имандылықтың асыл құндылықтарын іздеген жандар Исламға бет алды. Соңғы жылдары Ислам дінін қабылдаушылар қатары күн санап көбейіп келеді.

Саран қалалық мешітінде орыс ұлтының өкілі Чекушкин Даниил Егорович мұсылман дінін қабылдады.

Ол өз сөзінде имандылықпен адамгершілік, тазалық, шынайлықты тек Ислам дінінен тапқандығын айтып, тілін кәлимаға келтіріп, Ұлы Алланың хақ дініне мойынсұнғысы келетінін білдірді. Данил сондықтан Ислам дінін қабылдап отырғанын айтты.

Оның Ислам дінін қабылдау рәсімін мешіт имамы Мұсабеков Нұржігіт Оразалыұлы өткізіп, һақ дінімізді таңдаған қадамына сауап тілеп, шариғат талаптарын түсіндірді.

ҚМДБ Қарағанды облысы өкілдігінің баспасөз қызметі