«Әл Машани» мешітінің әйел - қыздар жамағатына «Рамазан- кешірім айы» тақырыбында уағыз-насихат айтылды.

Рамазан айы – Алла Тағаланың құлдарына кешірімін, мейірімін және де сый-сияпатын молынан жаудырған ай. Пайғамбарымыз (Алланың оған игілігі мен сәлемі болсын) өзінің хадисінде:

شهر رمضان أوله رحمة, وأوسطه مغفرة, وآخره عتق من النار

«Рамазан айының әуелгі бөлігі – мейірімділік, ортасы –кешірім, соңы тозақтан босату» деген. Пайғамбарымыз (Алланың оған игілігі мен сәлемі болсын) жалпы Рамазан айының, оның ішінде оның ортаңғы он күнінің кешірім уақыты екенін айтып сүйіншілейді.

Мешіт ұстазы Гүлнұр Қаныбекқызы шәкірттерге осы айда көбірек Құран оқып, Алладан кешірім тілеп, салиқалы амалдарды көбірек жасау керектігін насхаттады. Сонымен қатар оразаға қатысты сұрақтарына жауап берді.

ҚМДБ Қарағанды облысы өкілдігінің баспасөз қызметі