Шет аудандық «Жанқұтты би» мешітінде «Отыз күнге отыз уағыз» жобасы аясында күнделікті уағыз-насихат жұмыстары жүргізіліп жатыр.

Мешіт имамы Берік  Алпысбайұлы «Жомарттықтың дәрежесі мен сауабы» тақырыбында насихат айтты.

Қазақ халқында жомарт адамдарды «Қолы ашық жан», «Атымтай жомарт», «Дархан көңілді адам» деп құрметтеп, түрлі атаулармен атаған. Ата-бабаларымыз: «Кең болсаң – кем болмайсың», – деп ұрпағына әрдайым кеңпейілді болуға, қолында барымен өзгелермен бөлісіп, жәрдемдесуді өсиет еткен.

Айталық, ұлының атын «Жомарт» деп қою да ата-бабаларымыздың жомарттықты қаншалықты қастерлей білгендігінің көрінісі.”,-деді имам өз сөзінде.

Насихат соңында  тарауық намазы оқылып, ел мен жердің тыныштығы үшін дұға жасады.

ҚМДБ Қарағанды облысы өкілдігінің баспасөз қызметі