Қарағанды қаласында дәстүрлі футбол лигасының апталық шағын футбол ойыны өтті. Іс-шараны Қарағанды облыстық «Әнет баба» мешітінің «Жастар ісі» секторына жауапты Амангелді Асқаровтың ұйымдастырып және қала мешіттерінің имамдары атсалысты.

Бұл жарыс саламатты өмір салтын насихаттау және жамағаттың ауызбіршілігін арттыру мақсатында өткізілді.

Сайысқа қаламыздағы мешіт қызметкерлері, өнер адамдары, медиа өкілдері, жалпы жастар қауымы дәстүрлі футбол лигасы аясында өтетін апта сайынғы ойындарға қатысты.

Сонымен қатар қала мешіттерінен бір команда жасақталып, жарысқа шықты. Шағын футбол сайыстары тұрақты түрде өткізіліп келеді. Бұл спорттық іс-шара жастардың белсенділігін арттырып, олардың спортқа деген қызығушылығын оятуды көздейді.

Жарыс Қарағанды жастарының бірлігін нығайту және олардың бос уақытын тиімді өткізуіне жағдай жасау мақсатында ұйымдастырылды.

ҚМДБ Қарағанды облысы өкілдігінің баспасөз қызметі