Қасиетті Рамазан айының қарсаңында Шахтинск қалалық «Нұр» мешітінде жамағатқа арналған «Құран және тәжуид» дәрістері жүргізіліп жатыр. Бұл игі іс-шара жамағаттың Құран оқу сауатын арттырып, тәжуид ережелерін меңгеруге бағытталған.

Дәрістерді мешіттің бас имамы Мәулен Әбілхайыр Кәсенұлы мен ұстаз Даурбаев Медет Маратұлы өткізеді. Құран оқу қағидалары мен дұрыс тәжуидті үйренуге ұмтылған шәкірттер бұл мүмкіндікті тиімді пайдаланып, сабақ барысында Құранды дұрыс әрі мәнерлеп оқу әдістерін меңгеріп, тәжуидтің маңызды қағидаларын тәжірибе жүзінде үйреніп жатыр.

Рамазан айы – Құран түскен мүбәрак уақыт. Осыған орай ұйымдастырылған бұл дәрістер жамағаттың рухани білімін нығайтып, қасиетті айды лайықты өткізулеріне септігін тигізеді.

Шахтинск қалалық «Нұр» мешіті барша мұсылман қауымын осы игі дәрістерге қатысуға шақырады. Алла Тағала баршамызға Құран үйренуде табандылық нәсіп етіп, сауаптан жазсын!

ҚМДБ Қарағанды облысы өкілдігінің баспасөз қызметі