Ә.Бөкейханов атындағы мектептің ораза ұстап жүрген оқушыларымен Шахтинск қалалық «Нұр» мешітінің имамы Мәулен Әбілхайыр Кәсенұлы кездесу өткізді. Іс шара Бұқар Жырау атындағы Шахтинск қалалық орталық кітапханасының оқу залында биылғы 1 наурызда бастау алған Қасиетті «Рамазан айы және Исламның негізгі деген 5 парызының бірі ораза ұстау» тақырыбында ұйымдастырылды.

Аталмыш іс-шарада мешіт қызметкері оқушыларға Рамазан айы мен ораза ұстау мүмкіншіліктері және қағидаттарынан толықтай мағлұмат берді. Сонымен қатар оқушылар мешіт имамына ораза ұстау туралы өздерінің сұрақтарын қойып, жауап ала алды. Келген қонақтың тұшымды әрі нақты деректері түсінікті тілмен жеткізіліп, басқосу соңы әңгімелесумен аяқталды.

ҚМДБ Қарағанды облысы өкілдігінің баспасөз қызметі